Tidsskriftet Jaja er Noregs nye tidsskrift om og med forteljekunst

Fjaler har segnomspunnen teaterfestival, rykande fersk kulturscene, nasjonalt forteljesenter og kunstarsenter. Det er på høg tid at kulturbygda Dale også får sitt eige tidsskrift.

Tidsskriftet Jaja er eit ide- og kulturtidsskrift, som skal utforske forteljekunst. Jajas mål er mellom anna å fremje meir allsidige forteljingar frå bygd og by.

Særleg bygd, sidan Jaja bur hjå Jakob Sande- senter for forteljekunst.

På festivallaurdagen slepp vi aller første nummer av netttidsskriftet. Vi inviterer alle nyfikne til å forløyse det saman med oss. Tidsskriftet Jaja er laga med støtte frå Sparebankstiftinga Fjaler. Tidsskriftet er redaksjonelt uavhengig.

Vil du ha varsel når Jaja er ute? Gå til Tidsskriftet Jaja og skriv deg på e-postlista.

Program under lanseringa
Inne på Samvirke kl. 13.15:

Panelsamtale: Jaja, kvifor treng vi eit ide- og kulturtidsskrift som bur på bygda?

Leia av forfattar Marit Eikemo
Med: Redaktør Tidsskriftet Jaja Tora Hope, lingvist og professor Gunnstein Akselberg, forfattar og journalist Katrine Sele

https://www.facebook.com/events/678759147491631